經過西波止場，不過冇入去，可能真係有d累，再加上時間唔多，要快d上山先得，而轉戰對面既Lucky Pierrot

呢個係因為有網友介紹先識,之前會諗,點解去到日本都要食漢堡包?!後來知道,原來呢間連鎖店係函館先有
本來真係諗住經過算,諗住好貴,但原來又唔係~
350yen已經有個burger,咁就試下啦!

叫左之後就等佢叫,個過程都幾耐(入去果陣我地已經發現有對香港情侶坐o係入面,btw,原來香港人個樣都好易認,或者呢d真係叫做家鄉的感覺)

唔係咁大個掛?
果度仲有冰水供應，真好！正好好想飲水呢...

突然有班細路入來唱歌，跟住店員就急忙拎d糖比佢地食！(我地仲叫佢地唱多次,希望錄底,都錄左少少架XDD)仲記得頭先行過見到有個著和服既小朋友行過，咩事呢？
我地就問店員點解會咁啦～佢好想答，不過我地都唔係好明．．．
於是佢就用佢手機CHECK月曆，跟住話我地知
今天是「七夕」

哦！！！！
咁萬聖節FEEL既！
不過真係好可愛，而且父母仲會同行，好溫馨啊！

我地竟然撞到呢個節日！個天對我地太好了！
我地仲同佢地父母講，我地係香港來既，問佢地可唔可以同d小朋友合照！佢地真係好可愛架！！！！ＷＡＨＡＨＡＨＡＨＡＨＨＡＨＡ～

冇幾耐，竟然有班更大既，不過我地都係鐘意小朋友多d!！於是就拿拿林拎埋包就出去，O係呢個時候，個店員竟然取出糖比我地，我地真係好想學識唱果首歌，真係唱番比佢聽！HAHA~雖然，我地都係已經成人既．．．小朋友！哈哈…


雖然唔清楚日本呢種節日既傳統，不過我地見人做我地又做，拿拿林去買糖
諗住追番頭先既小朋友，比糖佢地

點知追追下，以為追到，就比糖佢地，仲同佢地講AR-LI-GA-DOR
睇番相，都唔係頭先班小朋友！比錯人添～！ＨＡＨＡ～可能佢地以為我地傻傻地
我地望番包糖，我地點解買咁大包既？又唔會真係有細路問我地拎糖。＿。|||

賣市電券比我果個女仔叫我8點上去就差唔多,睇來都係時候!
~_~|||太大包了，於是見小朋友都派，可惜因為已經夜深，唔多小朋友O係街上面，咁 O岩撞到一堆，於是問埋佢地家長，究竟點上函館山
佢地當中有人識少少英文,於是教我地點行

O係十字街，憑住意志繼續走上去！哈哈…

夜晚既十字街都係好吸引!
途中見到呢d，亦終於明白咩一回事！唔係小學生既普通勞作…(估係囉)


終於望到目標了!HAHA!

行上去...累到呢....
函館150周年，我們趕得及！人生有幾多個五十年也！！！！
拿拿林買飛，希望趕得上來緊呢班車(其實班次都好密下…)

差 D有霸佔之嫌…

@ 纜車中
我地冇衝上前,保留O係中間位置,相信一定影到靚野,不過架車太快...好多都OUT

仲有人問我地O係邊度來...HAHA...原來都好多日本遊客,仲對

其他地方既遊客好好奇,不過我地唔識日文~_~
上緊去果陣已經嘩嘩聲

我地先搵有利位置,又係好似小樽咁等黑哂
不過今次精彩d...


竟然係同香港人爭位~
個女人幫佢老公影相，咁本身果度多人，我都唔想，咁我要影相架，等你影完先咩，個個都

係咁架啦．．．
香港人真係...你一係去private room影,影完之後埋怨人阻住佢...你咁叻咪去冇人既地方影囉 ．．．即係咁，你咁叻唔該去餐廳，成個window既景都係你既...
周圍都係人架啦~我想架?我夠影到你個膊頭啦~可唔可以唔好咁不可理喻呢?!
相反
d日本小學生係專登整低自己唔阻到我影相

你地班大人真係...
你繼續影,我上去影...仲要牙住人地個位咁耐...(其實呢,d人就好自覺,影完之

後就會讓番個位比人,我都好欣賞日本人呢種性格,唔會長期霸住)

有幾張我仲要爬上欄杆度影,很危險的說=.=我又唔知我堂妹去左邊wo...唉~~~
慢慢開始入夜,正呀
 

愈來愈多人,很有海洋公園既感覺
大家都希望影到最好既一面
不過有時，因為咁樣，真係唔識「排隊」
嗯…可能唔太明顯掛
所以我同我堂妹都等左好耐（雖然排第二）

影影下中途落過一陣雨,不過我留守本營,最後去最高果個位置影相
後面有家日本人,就請佢地幫我影相^^
其中一個人英文好好,佢話來過香港,覺得香港靚d,我當然話:呢度靚
但我覺得香港精彩d~(心底話)


我地個包，仲HOLD住！本來想O係山上面食，不過實在不宜，於是買盒牛奶，諗住番去食左先，沖完涼再出去食！

我地決定跟住旅遊書買,冇死錯人!!!不過,都知道呢種牛奶好肥XDD~加埋頭先個包,應該ok(冇錯,我地仲未食果個包~~~)

不過搵唔到另外兩樣
咖哩就第二日去機場買:p~

 

其實Country Born同函館山都唔係離好遠，於是就行番去，其實都幾想搭車~_~|||
番到去要拎key~(走果陣條key要放o係度)已經唔想再出去，當晚餐算了！
不過呢餐晚餐絕不求其

有牛奶，有包！全部都係函館出品！哈…
何況咁夜，都唔知去邊度搵野食＝．＝
o係呢度食住個景食包+飲奶都係個唔錯既享受(個包真係好正架!!!)
而且個包都仲係熱熱地架!!!正!!!又有一陣陣風吹埋來~~~

見到遠方有個塔閃下閃下...有d諗起札幌個TV塔

 

 

仲有虫虫陪添....

食完就番入去執野=.=

雖然係民宿,不過都會提供毛巾同埋牙刷等等

沖涼果陣好白痴,果個人叫我地等call先會有得沖涼,
有兩個bath room,我去左A,拍緊門都冇人應,又lock左
其實我係應該去B...haha~~
同埋...都幾驚,原來得我地住咋....><

 

 

呢個就係我地驚左幾日既包裹T___T我地o係LeTAO買既餅...手信...
買得太多野,每晚都要執喼,都已經習慣,
不過...今日要承受埋第一日買既野就真係...

爆ed~~~爭D閂唔到個箱呀...幾驚爛箱呀...大佬,我借人架咋個箱!!!

 

 

我地呢晚都早訓,不過夜晚成日播住MJ既節目...um~...
臨訓出去影多幾張相,吹下風,睇下景
不過都因為周圍冇乜門戶開燈,其實都驚驚地...

清哂d野入箱同埋拎番d玻璃出來之後,就拿拿林訓...早抖喇函館

最後一晚北海道之旅...
於北海道2009既最後一個晚上...
好唔捨得