![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313010820434.jpg?ib_____DnrtBJxnk)
Day 4 15.2.2010 雪地裡的悉高班尼![](http://hk.l.yimg.com/hk.yimg.com/i/icon/16/59.gif)
路線:克拉科夫(Krakow) -----à悉高班尼(Zakopane)-----à克拉科夫(Krakow)
原本今朝早我無需再繼續『工作』,但昨晚經阿珊提醒我好像計少了一日行程,於是我再重新計算過後,真估不到我老猫燒鬚,居然編少了一日的行程!不過對於我來說並不困難,我還應該感謝神,祂給我和阿珊有多一日的遊玩時間!因為之前編排行程的時候,我亦覺得留在波蘭只得五日時間實在太短,我還想去波蘭北部的那座城堡,感謝主,突如其來多出來的一日便可以實現這個願望,於是今朝早我便在酒店大堂附設的電腦上網,訂好那多一日在華沙的酒店,只可惜酒店附設的那部電腦只可以看到英文,看不到中文,不能夠看到朋友在新年期間向我的祝福。
『OK啦!我地按原計劃明天去完集中營,便乘夜火車回華沙,我地今次會增遊波蘭的北部睇古堡,阿團友你會唔會俾多一日貼士我?
』
『好…..難啊!
咁我地今日去邊呀?』
『我地今日要乘長途巴士再南下一個小鎮譯作悉高班尼(Zakopane),因為要坐兩個小時,所以我想去到先食早餐,OK?』
『OK!』
『不過我想試下呢度街頭賣既硬麵包,你要唔要?』
『NO啦!
你知我最唔鐘意食麵包。』
我們乘坐當地的長途公車,兩個小時過後便到達悉高班尼。
『喂,kk,我好肚餓啊,我要食野啊!』
『對面好像有一間餐廳,我們過對面咯!』
當我們進入了那間餐廳後,我們找了座位便坐下來。
『哎呀!好肚餓啊!快些叫野食呀!』
『係啦,你飲熱湯食住包先啦!』
『我唔鐘意食包
,你食啦,仲有咩食呀!』
『我叫了波蘭雲吞,是地道菜,我有個朋友介紹過。』
但當我咬了一口,『吓!咩裡面係薯蓉呀,我唔鐘意食薯蓉
,你食啦!』
食過呢餐唔好食既早餐之後,我們便繼續出發。
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313010717858.jpg?ib_____DLgdtfj8y)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313011402639.jpg?ib_____DNJYLsEBz)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100316091012791.jpg?ib_____DWAVbnLqJ)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100316090736388.jpg?ib_____DnrzSIKak)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313011231177.jpg?ib_____D4m6c7oOX)
很多旅遊書都推薦來這裡遊玩,說這裡可媲美瑞士的小村莊,但沿路我卻感覺不到這裡有甚麼好看,不過阿珊卻自我陶醉地玩自拍,直到我們到了一個市集,這裡有很多售賣紀念品的店舖,這些紀念品當中更有各種皮具用品及飾物,我們一直向前行,直至到了山頂纜車站。
『珊,不如我地搭纜車上山咯?
』
『好啊。』
當纜車上到山頂後,氣溫更底,但我們都不大理會,繼續沿路行。
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100316090715777.jpg?ib_____DzY7.rirq)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100316090707619.jpg?ib_____Dm0EiLh9u)
『我記得上次我問過我一位朋友,如果我得幾個月命,你會唔會娶我?如果係你你會點答?』
『唔…….
如果你真係得幾個月命,我會搵律師同你立遺囑,計算好你所有身家,遺囑上寫受益人係我,咁我會考慮同你結婚。』
『車!你都無誠意既!
』
『無辦法啦!職業病,你死左,我都要負責幫你辦身後事喎。』
我們繼續行了一陣。大家亦談了其他事。
『呢度好似無咩好睇喎,不如走咯?』
『好啊。』
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313011924812.jpg?ib_____DOkhnj7zM)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313012919651.jpg?ib_____De46ZOzYm)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313012824174.jpg?ib_____DZ5K7yYVS)
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313010624642.jpg?ib_____DaE4mjg4s)
我們下了山,到了一間餐廳午膳,之後在熱鬧的市集再行了一陣便搭回公車回克拉科夫。
『你打了電話給家人未?』
『我家人去了旅行未返來,遲兩日再打回去吧。你呢?』
『我家人都去了旅行,不過我自己都不大習慣打電話返屋企,因為如果有事,他們也幫不了忙。』
『以前我都好似你咁諗,不過自從舊年我同一班朋友去哈爾濱旅行,其中有兩個團員係出發前去了雲南走一敞,佢地包了車四圍去,但個司機開車開得好快,佢地又無扣安全帶,結果發生了意外,一死一傷,我地聽到呢個消息都好唔安樂。』
『唉!意外既野大家都唔想,總之樣樣事都要小心囉。生死有命,有很多事都有上天安排,我們怎樣控制也控制不來。』
當然我們很順利地回到克拉科夫。
『明天我們要去集中營,聽講個度無野食,所以我地要去超級市場買些乾糧。』
『哦,好啊。』
原本我諗今集路人甲唔會出現,不過佢卻係呢個時候出場,當我和阿珊買好乾糧,正排隊付款的時候,排我們後面有個男人好像飲醉酒般不斷向阿珊搭訕。
『Where are you from?
』
![](http://f20.yahoofs.com/hkblog/qiUR2zOdAh7q47I__DOT__s5znnZePUdoo_9/blog/ap_20100313012039845.jpg?ib_____D6wRN8ckY)
阿珊當然唔想理佢,為了阿珊唔好被騷擾,於是我叫她係門口等我。
『所以你最好唔好夜晚周圍去,呢度好多醉酒佬架。』
『知道,團長。』