上一站‧台灣
每次旅行回來不久,就蠢蠢欲動計劃下一站的旅程。
4月清明節+復活節,一連5天假期。
今站正好來個短線旅遊,輕輕鬆鬆玩足兩日一夜。
4月2日(五)
今日同男朋友 & 兩個好朋友一齊出發去長隆。
坐左兩個鐘船+一個鐘車~差唔多3點先到長隆酒店。
之後飛撲去動物園~因為5:30就關門~
雖然明知時間唔夠,但一場黎到,都要入去睇下!!!!!
大象~第一次咁近距離見大象,先知佢地原來咁可愛,仲成日擺POSE俾我地影相。
熊貓~肥嘟嘟,笨拙拙,屁股扭扭下。^^
樹熊~太趣緻啦,樹熊BB倒轉頭抱實樹熊媽媽,好溫馨呀!!
長頸鹿~見到人餵野佢食,即刻飛撲過黎,個咀係到口趙下口趙下,好過癮。
仲有好多其他的動物~~
睇完動物就去睇馬戲~我地坐的位置較前~所以噴火噴水個陣~好有FEEL~哈哈~
1個半鐘的馬戲真不錯,來長隆係值得一看的!
睇完馬戲,返酒店食個晚餐醫下個肚先~叫到成枱都係野食呀!
食完去行下酒店的每一個角落~其實每一次旅行都應該用心去睇下自己所住的地方。
返房之後都影下自己的間房~床很大~設備都算齊備~正呀!!
完成左第一日的行程了~雖然對腳行左成日好倦~但真係好開心!!!!^^
可以同自己鍾意的人 & 知已良朋一起,無論去邊度,做D咩~都一樣好滿足。
其實,旅行..............
不一定要到風景優美得很的地方,因為只要是心情好,眼前的一切都會變得美好。
不一定要大SHOPPING,因為最好的人、事、物,已深深攝入你腦海中,
而那份回憶不就是你能夠永久擁有的嗎?
不一定.........................................
但............一定要開心、要暫時拋下所有的煩惱、要好好珍惜每一趟的旅程。
我做到了~你呢???
期待明天繼續我的長隆之旅,晚安。