首次露面!!!見唔見到我呀!!!
由於宿友曾經講過話富田比較靚...所以我地將希望放o係富田~
不過走果陣,發現原來我仲貼住尋晚敷緊既腳貼
而且仲甩甩地...超級破壞景觀
上車前,發現對鞋真係超級糟,唔知係咪咁架車唔多歡迎我~竟然發我脾氣(我開左司機位度門,諗起有d野要拎,就開後面度門,點知拎緊果陣聽到前面度門拍一聲閂埋左)
來到離彩香之里唔係好遠既富田農場,兵家必爭之地!!!!haha~
不過因為主停車場冇位泊,於是我地要去較遠既停車場泊(都係無料的)
不過如果唔係要泊果個場,都唔會經過呢個地方...
雖然薰衣草真係周圍都係,不過真係百看不厭
開左花既薰衣華,睇番相先知=.=證明當時我係幾趕急,因為...太陽伯伯曬哂我頭頂呀...熱到爆炸!!!
一場來到點可以唔試下哈蜜瓜同埋薰衣草波子汽水
雖然...宿友話冇乜特別不過點都要一試
同隔離一家日本人(夫婦+女兒)一樣論盡~haha...搞到周圍都係,不過我地有抹番架~~~之後佢地問我地拎紙巾~同幫我地影相~
其實波子汽水都唔係真係咁痴手~唔錯咁啦~
仲試左呢個我地o係小樽好想食既牛乳布丁(不過,聽講都係小樽既好味好多)
肥爆~睇到d焦糖嗎?haha~之後我地仲想keep起個樽留念
staff竟然話幫我地洗好佢~真係好人
入去富田農場
周圍都係人,不乏香港人(不過,原來日本人都可以好冇禮貌,連排隊呢樣野都唔識)算~我睇在花花草草份上讓你~
失敗左兩次先影到!!!haha~
白色薰衣草(...果陣...真係唔為意,睇左~kaykay~既介紹先知~haha)
商店中放滿乾花
成個富田農場,都充滿住花既香氣~好正
臨走前食薰衣草雪糕...
好好味!(牛奶味),都有少少薰衣草香既...haha...
我必須於上車前食哂,如果唔係點揸車?
之後本來去日之出公園,不過以為...可以去第二度入,結果兜左個大圈...又想去四季彩之丘ow~去到呢度就放棄左喇
到達四季彩之丘,睇來係佢地最大架喇~haha~
我覺得,呢度比富田仲靚,不過...可能佢有黃昏既映影,特別靚
唔知呢d苗,而家長大未呢?
<-- 我好鐘意呢張
很造作的說~~~
到咁上下時間都要走喇唔好阻人收工~雖然短短30分鐘,不過已經目不暇給
終於到我把機!因為我堂妹忙住入GPS
在此溫馨警告:駕車絕對危及荷包,因為你會愈買愈多,去到不可收拾既境地
(行 車時拍攝)
去到千代田農場,本來真係好想試佢果隻牛扒,不過都6點幾啦~7點鐘要番去晚餐~_~食乜鬼丫~
買左件小精品就周圍行下
入左個...渺無人煙既農場(對果個16:00既關閉牌視而不見)
仲比羊趕...<--呢隻羊真係堅料~出來係咁「咩」我地
(本人在此聲明,我真係冇講粗口)
玩完就走喇(因為都幾臭=.=好多虫飛來飛去...)
去到千代之丘。見晴台
都係冇人既...本來來左幾個女仔(都係drive...不過後來佢地又走左~仲諗住跟人點走架嘛...), 因為上來條路太沙石...
唔似人行,因為有車痕,於是我都係用車行上來
但係...真係好多沙石...係咪應該跟番原路走呢?
果陣一直擔心呢個問題
我地頭先去過既農場呀...隻羊見唔見到我地呢?
後來有家人上左來,我地行先...結果佢地緊隨吾後
不過o係T字位同我地反方向走左... (食哂我沙添)
呢 個景係特登停o係度影~真係超超超靚
其實我都知我地咁行係絕對唔順路(因為期間係咁見到四季彩既牌)
不過冇計,因為四季彩早收工...
第一次o係北海道既黑夜揸車,感覺好正~
番到來,Kumasan已經介紹緊是日晚餐:smile_o14抱歉!!!),仲見到有人宿友~係台灣來既人...初初真係同佢冇乜兩句...用哂一生人識既國語同佢地傾計
後來佢地仲問我d自來水係咪真係飲得...
係咪Kumasan知道我地食過成吉思汗呢?
Kumasan 話今晚影月亮成績麻麻bor~
聽日就要走喇~好唔捨得(尋日仲大大聲話:聽日先走~駛乜咁急執定野...)
出得來行,就預左要還...
係咁塞野入去原本已經爆既喼度~
執到想喊咁滯...終於超級勉強地閂好個喼...早斗~~~