由旭山動物園番旭川需要住番果架巴士,有唔同時間選擇,我地行完o岩o岩有架巴士.
不過上到去冇位,我堂妹讓個位比我坐訓左成20分鐘,仲行經我拎車既地點,
落車後去領回我d仔女...
不過拖喼過程一仆一look,搞到我堂妹係咁笑...
終於拎車,因為遲到, 係咁同佢講唔好意思!
我堂妹就o係出面等,後尾仲有人叫佢睇下部車有冇問題,有職員教埋佢點用
我就o係入面簽下名,比埋passport 同駕照佢睇,仲教埋我點去油站果d,不過因為對方英文唔太好,所以搵左經理同我傾,但佢經理英文都係...叫我睇清楚d合約內容就簽名比錢,好意外地,可以比CASH!!!(本來已經諗住出動我張中銀銀聯卡...haha...而家仲好,慳番d手續費仲有匯率風險<--好多日冇上網睇匯價喇)好快就搞掂手續,仲送埋d地圖呀指車比我添!(果刻我只係想快d走~haha)
由於o係香港大陸都係ja開HONDA同豐田高身7~8人車,未試過日產+私家車,出車前好奇問左句:可唔可以整高張椅?<--因為小女子實在太矮~
呼一口條,出車...
(所有車上拍之照片皆出自我堂妹手筆,所以本人駕車期間絕對安全!絕對冇分心)
以下照片有少許味精,唔好介意
過左旭川之後,一路都係綠色,對於一向居於城市既我,簡直係「正」!係咁「嘩嘩」聲
不過由於限速問題(初初既我真係唔敢超速),好慢好慢...我堂妹仲擔心我會唔會訓著...
跟住GPS指示,多數都會比指定時間早到達
第一站,Ken&Mary之樹(泊車泊得極度核突)
o 係呢度遇到一批日本遊客,又問我地o係邊度來
之後又撞到4個之前o係小樽遇到既遊客,不過當時我地o係旁邊觀察佢地,係今日先相認
佢仲幫我地o係KEN&MARY裡面影相!
都算係郊外第一次見薰衣草
購物滿300yen就可以免費入場,否則要比100yen
我唔想買野,又唔想食雪糕,所以付費入場,不過我堂妹竟然o係我地行完之後先去買雪糕...蝕左100yen
不過唔緊要,裡面...的確係抵比
o 係出面見到呢d 一look look既桶~不過...已經比黑色既野包起左...
之後離開Ken&Mary,出發往Seven Star
呢一晚同宿友傾計,發現大家都有個同樣既想法: 棵棵樹其實都係差唔多...有時都幾難認(如果唔係照住本guide book來睇的話)
下一站:
親子之樹(由於附近冇位泊,於是我就咁樣泊~haha~)<--戰車首次出場好掛住佢呀...
超級白痴!竟然行上去...之後先發現,其實應該係o係山下面睇,行行下仲要記得好似未鎖車...所以超級急急腳,o係山下都唔記得影番張
唯有安慰自己:大把機會來啦
下一站:北西之丘展望公園
應該係今次trip第一次泊正架車~
呢度既食品好似幾貴,所以過門而不入
行到上去,不過D景冇乜特別...所以冇post..
下一站:Mild Seven
去果陣行錯...我話:不如放棄啦...
我堂妹憑住意志,終於望到呢道牆(又係要睇住guide book搵,後來同宿友既相比較,點解好似有d唔同:smile_o14
其實我係塞住左人地條路,不過...
因為當時前面太多車,所以就咁樣泊,之後都泊番上前...
走果陣仲要U turn先可以turn番出去,o係呢兩日,我既U turn次數比香港幾年夾埋仲要多~
打算去KANNO Farm,不過都係去左民宿果度講聲先~因為都係o係附近咋
期間行錯左去另一間...好彩人地好好人咁同我講:係下面呀...
本站:Kumasan Log House
當時Kumasan一家正在準備晚餐(Kumasan同佢媽媽)<--支烏龍茶樽係我既,失禮哂
Kumasan好耐心咁介紹宿內既各項設施,包括沖涼時間同食飯時間...
被安排住樓上,知道左果下真係...請回想我們有多少行李,個箱...真係幾乎爆架...
不過我地憑住「今晚有得早d 訓+唔駛咁早執野既動力」我地終於到搬左d行李上去
呢個就係露台(不過我想講,第二日出去睇日出果陣,我feel到腳同手碰到D蜘蛛網,其實我就唔係好驚,你唔好比我見到就得...但係果陣真係有少少毛骨悚然)
大家見到吊o係度,一棵棵既野就係Kumasan自己整既茶葉!相當好飲,我自己都買左樽番屋企多謝500yen
Kumasan幫我對info時,都知道有宿友,一問之下,原來係 8個香港人(包括我地)
我地就諗:多數都係Couples來喇...係得我地...
安頓好就出發去Tickle Art Museum
呢個摩天輪...唔多敢玩...
果陣已經係日落時份...個天勁靚~~~
唔駛ja車來,行路幾分鐘就到,好方便!
仲發現民宿附近有d小店,打算去買野食同飲添(不過...佢地都係好早閂門...又摸門釘)
比錢果刻先痛,雖然知道幾多錢...不過...真係有d意外...好貴:smile_o16唔記得幾多錢)
以假亂真(其實係一張畫~)
我仲玩左其他網友都有影既「接蛋」...haha~睇落真係好真!
當然,仲要配合場館既燈光
最出奇都係以下呢兩個
證明人眼很會欺騙自己.
美瑛既日落映照落田,好靚
d 鋪頭好早就收.
周圍冇人,感覺...好冷清(不過都去左附近既手信店買左件手信比自己)
番番去Kumasan度~等食飯,同時知道有幾個宿友已經番左來~大家都好期待是日晚餐
食晚餐,好正~~~~好好味!最鐘意d飯同粉,薯仔~仲有Kumasan拿手肉餅
一路食,大家o係度傾計分享駕車經驗~好開心
Kumasan 仲用佢個鏡幫我地影月亮(我地d新手唔掂,第二晚有宿友試過自己影,唔掂)
抽籤沖涼,抽到第一
都好,早d搞掂.
不過因為我實在太心急,早左落去,Kumasan都仲未準備好
限時15分鐘,不過我好早就出左來,因為...有虫虫在我左右
(第二晚抽到第6~haha...都係好快就沖完...)
有宿友買左d煙花玩,haha~大家出動哂佢地既相機影相,不過都係唔多掂...
(我部G10邊夠佢地DSLR比...)
早抖~
整晚都會有音樂播放,所以好舒服,不過茶水嘛..就恕不供應喇!一係自來水(唔敢飲呀...因為今朝O係旭山動物園拿野)
一係嘛...就去 LAWSON買水~有宿友去買,仲幫我地買埋添~~