黎得馬爾代夫我麥兜兜除左係水面度浮下浮下之外, 當然亦有同舅父一齊探索下個海底世界啦~~~
我地係水底見到好多好多魚魚, 舅父話馬爾代夫d魚比起浮羅交怡、布吉、長灘島果d都要大條同埋種類亦多好多~~~
不過上一篇都講過,7月係馬爾代夫既風雨季,浪會較大。近岸既地方由於d沙俾浪沖起左,所以d水會有少少唔係好清既感覺 ..... >.<
今次我地影左好多魚, 不過有好多都唔知係咩魚黎既, 同平日麥太煮俾我食果d紅衫呀, 泥鯭呀都唔同樣既 =.=
不過舅父返黎香港後上網搵左好耐, 都搵到其中一d,不過都話唔包正確wor ...... =.="
好喇, 唔講住, 即刻同大家轉去 Discovery Channel啦~~~~
今次係馬爾代夫見得最多既係佢......
Blue Surgeon Fish (粉藍吊) ~~~
其次有佢....
Lined Tang (金線吊)~~~
圖左果條小金線吊仲成日住係我地間水上屋既樓梯度唔肯走tim ~~~
另外有有個木偶鼻既Whitemargin Unicornfish (獨角吊)~~~
呢條魚我唔知叫咩名,不過唔知點解一見到佢就想蒸左佢黎食…… =0=
呢條叫Bicolour Parrot Fish (鸚鵡魚) ,我覺得個頭似龍多d ~~~
呢條叫Blue Fin Trevally,係陽光下透現閃閃藍光 ~~~
講 起珊瑚魚,大家一定會諗起Nemo,同果d "軟 dea dea" 既珊瑚。 不過Mirihi 既姐姐同我地講幾年前既海嘯雖然唔係直接破壞馬爾代夫,但係好多珊瑚都被破壞,由於軟體珊瑚既生長速度冇硬體珊瑚咁快,所以而家係Mirihi比較難搵到 好大好多既軟體珊瑚…… >.<
今次我地就冇見到 Nemo,剩係見到佢d friends~~~
有睇 Finging Nemo 既都應該認得佢 ……Moorish Idol(神像)~~~
海底世界又點少得色彩鮮豔既蝴蝶魚呢~~~
先黎Double-saddle Butterflyfish(雙印 )~~~
再黎Scrawled Butterflyfish (黑風車)~~~
仲有佢……Yellowhead Butterflyfish (金月光蝶 )~~~
佢係有個鋸齒背既Humphead Bannerfish (啡刀)~~~
呢條斑點魚叫Peacock Grouper~~~ 唔知石斑好食d定佢好食d呢???
跟住呢出場既就勁喇,剩係個名都可以嚇得下人!!!
有請Titan Trigger Fish (泰坦炮彈)~~~
仲有Clown Trigger Fish(皇冠炮彈 )~~~ 呢條追到氣咳先影到個深海wide shot >.<
呢條睇個look都似係炮彈類,不過真係唔知佢姓咩名咩 …… =0=
今篇最後出場有 "沙 C Me”最正雞泡兄弟~~~
今日睇住咁多先,下集帶大家繼續睇下馬爾代夫既海底世界~~~