我成日問舅父點解馬爾代夫咁多“你short”，要黎又貴又唔係特別豪華既 Mirihi 呢？

舅父話  Mirihi 有兩大特點～～～
1. 小島被珊瑚群包圍，而且係淺水區已經有好多珊瑚；
2. Mirihi 沿岸已有好多唔同種類既魚；
3. 佢位處 South Ari Atoll，同鯨鯊出沒既水域好接近。


所以好多黎 Mirihi 既人都係為左佢～～～



不過大家唔好誤會，上面個張相唔係舅父影既，係係維基百科搵返黎既……因為………我地今次見佢唔到呀～～～～   >.<



Mirihi 每星期只有兩團鯨鯊團，每團只限12人，位位100 蚊～～～ 記住係美金！！！

我地去到酒店已第一時間去報名，但係果個星期既第一團已full，好彩仲有一團ja~~~~



出發當日天氣一般，成天都係雲～～～




同行團友入面有位英國黎既伯伯同佢太太已經係第二次黎 Mirihi, 佢地上年黎既時候仲見到兩條鯨鯊tim!!! 




不過搵左幾個鐘都係見唔到呢班深海霸王既蹤影……只係間歇性見到佢地……




滿心歡喜由香港黎到馬爾代夫黎搵鯨鯊，最終變左 lucky dolphin 一日遊………失望之情真係難以形容 >.<




搵左成日都唔見鯨鯊，最後船長係海中心停低俾我地浮潛～～～
呢到d魚基本上同 Mirhi 附近果d差無幾，只係深水左…… 包括成日都見到既佢……鯊魚！！！！ 

遊遊下突然見到左邊有團黑影飄過，一望原來係一條起碼一米半既鯊魚…… 係海中心見到佢你都咪話唔驚…




其實係馬爾代夫隨時都可以見到鯊蹤～～～
呢條 baby shark 就長期係Mirihi 既岸邊度游走～～～




你可能會話咁細條好得意ja～～～
不過舅父話見到 bb 你估佢阿媽又會係邊呢呵～～～


有一日我地係自己間水上屋落水就見到一條未夠一米，疑似係條 baby shark 既阿哥既黑鰭鯊係度玩水！！！






仲未夠驚嚇？！   我地試過係酒店向出面深水區探索，不過連續兩次都係同一個位見到佢………… 我估計佢應該有兩米長！！！




Mirihi d 哥哥姐姐成日同我地講見到鯊魚唔使驚，只要你 respect 佢，佢地就會respect 你咁話………我最近呢年已經叫麥太唔好再買魚翅同整魚翅我食，不過之前去飲宴已經食埋唔少………唔知咁樣算唔算 respect 佢呢呵？？？



隨左與鯊同遊之外，係深水區仲見過兩隻魔鬼魚，不過佢地出現得太突然又游得好快，當回過神黎想影相時已經唔見左佢地喇…… >.<



另外，雖然我地今次見唔到鯨鯊，但係俾我地見到另一樣我地好想見到海龜3次，都算係不枉此行了～～～

我地第一日去到Mirihi，第一次落水就見到佢黎歡迎我地  ^^






之後幾日都見唔到海龜先生既蹤影，直到最後一日臨走前既朝早落水又俾我地見到仍，仲同佢一齊圍住個島游左半個圈 tim～～～







鳳翼天翔～～～～




去到臨走前最後一次落水，佢仲游埋黎我身邊，好似同我講bye bye 咁～～～
你係咪唔捨得我走呀？  我都好唔捨得走呀～～～





係度又講少少海龜既常識俾大家聽。海龜唔係魚類，雖然佢可以長時間係水底生活，但佢係唔可以係水底呼吸既，佢地每隔一段時間就要上水面吸氣～～～

如果大家第時係海度見到海龜游上黎水面，千萬唔好主動游去佢度或者伸手去摸佢。因為如果佢因此受驚而唔敢上黎吸氣而潛番落海底，佢有機會會氣絕身亡…… 大家要小心小心！！！




好喇，同大家睇左三篇海底世界都差唔多喇，下集同大家上番水面睇下馬爾代夫既日出與黃昏～～～