搭新濠天地suttle bus去到氹仔市區當然係搵食
莫義記 我地無食wo 哈哈哈哈哈 因為我地有另一個target
嚟澳門當然要食水蟹粥 由於澳門位於珠江口咸淡水交界所以水蟹會肥d同鮮味d
不過價錢當然就係遊客價 服務就好地道 加埋d評語...睇嚟......應該.........
酥炸墨魚丸 皮脆彈牙 都幾鮮味
不過我覺得配返蜆介先啱味
馳名水蟹粥 "聽聞"用咗三種不同蟹煲成
不過睇d粥嘅顏色 已經唔覺得有幾好食
估唔到真係無咩蟹味 d粥好稀 蟹膏碎都有d嘅
鮮就無咩 甜都有d嘅......
呢個係細嘅大概4碗都要$98 我就覺得都幾
至於衛生就麻麻 大排檔feel 叫做專登嚟見識過就夠
至於包2 蚊Tempo 最後我學大陸人咁原封不動俾返佢又真係無扣嗰$2
龍環葡韻住宅式博物館 我以前有一段日子長註珠海澳門
都嚟過氹仔1,2次 就係無嚟呢度 其實係一個好hit嘅景點!!! 終於嚟到有d感動(誇~)
氹仔嘅葡式建築 好多都用呢隻綠色wo
之後我地行去一湖之隔嘅威尼斯人 都用咗15-20分鐘架
不過懶得行返轉頭去搭巴士/suttle bus 哈哈
龍環葡韻住宅式博物館對出的湖
左邊係新濠天地 右邊係威尼斯人
賭場入口嘅名店街
威尼斯人有"威尼斯人" 啊~~~ (<<唱山歌mode)
威尼斯人d商店好多元化 平時商場見到嘅商店都有 so good~
Kitty呀~~~小心玻璃呀~
曼聯紀念品店
由於要趕返去新濠天地睇龍騰show 所以無時間入去睇啦
下一次再嚟澳門一定要再嚟過 購物 呵呵呵呵
新濠天地個龍騰show都幾搞笑 我覺得d飛龍同fortune無咩關係bo
但係開頭有一幕成個天幕都係coins跌落嚟咁 又有好多祖國同袍伸手去接fortune
不過免費show就一睇無妨啦 不過多祖國同袍都係迫到咩咁架啦
噢~ 5點過去碼頭睇下情況先 ^^氹仔橋狀況
其實都有d擔心無船 不過碼頭完全無異樣所以決定拿拿聲去議市亭就回程啦
到此一遊照
我相信營地街市5點之後開始收市 我地5點半後先到街市 去到強記都已經收咗爐
本身諗住要杯瓦煲咖啡奶茶 食個炭燒豬扒包 不過我望入去都唔見炭爐同瓦煲 可能已經收埋咗
問咗仲有無先知已經收晒爐 最後叫咗一杯凍鴛鴦(雪櫃取出)同熱奶茶(仲未放入雪櫃)
飲落去又好似係滑d 不過唔係即製即飲 所以唔覺香
之後去搵潘榮記 果然俾阿蘇介紹完都係靠害
除咗會加價之後 可能多咗人買做唔停手 問佢地一磅幾錢都係得到黑面回應
但係問埋人價錢唔買咪仲倒米 咪少少地買一袋$10試吓 (一磅$58)
都好彩買咁少 因為減餅即係減去蛋白齋用蛋黃整餅 所以蛋味會濃郁d 不過我覺得甜都減埋
始終手製無機製壓得咁薄 所以唔覺得脆
其實潘榮記伯伯同婆婆都好好人 潘榮記伯伯每日用炭爐手製d餅食真係要支持吓
不過可惜就係潘榮記太子女阿嬋太無禮貌 我唔會再幫襯
試咗好多次自拍都失敗 因為今次唔單止要影2個頭 上面呢張明明唔啱位但影得好搞笑
影影吓有另一對couple又要影相 所以互相幫助下先影到張合照 哈哈
之後買埋屋企人d手信真係要趕去碼頭走人啦