2008年5月9至13日, 這次去了日本九州南部的鹿兒島和宮崎自駕遊,實在好回味
這次的旅行要首先在這裡多謝blog友的情報才知道香港快運剛開左直航去鹿兒島,仲做緊優惠,由於上次坐香港快運直航去沖繩感覺良好,所以就心思思,而且之前花爸聽 過我和弟弟分別都去過日本自駕遊好有興趣想試下去日本揸車的樣子(佢哋去日本只係跟團未試過自遊行), 所以我同米さん一路都好想搵次帶花爸花媽去,這亦是我送給花媽的母親節禮物
其實之前有少少顧慮因為我隻腳仲未完全好番,不能行太久,有日同個朋友講起,她說其實都無影響啦 因為揸車都係上車落車,而且我諗諗下去得鹿兒島一定要勁浸溫泉,對隻腳應該有療效卦,哈哈
這次行程plan得頭痛少少,因為鹿兒島暫不是香港人 的旅遊熱點,坊間沒太多有關的書,而且鹿兒島和宮崎范圍大景點多但不集中,和米さん都花了點時間商量決定路線,之後才可以搵酒店, 由 於條route不走回頭路,所以晚晚的酒店也不同,在網上要搵正d嘅 溫泉酒店,但大部份酒店點都無英文網頁啦,d人又例牌唔多識英文,唯有迫住練日文寫email啦!
我手上拿著的書是TOMATO日本書店買るるぶ的九州Drive,好彩有佢,因為它是特別為自駕遊的,有各景點的mapcode,開頭以為可以好似上次去沖繩用電話輸入GPS便可,但鹿兒島和宮崎原來有幾多地方用電話輸入出唔到架,而用mapcode就 一定無問題
just to say hi to 另外一隻飛機
呢架就係我們今次租的TOYOTA RACTIS
鹿兒島和宮崎在日本九州南部,這裡沒有日本其他大城市裡的緊張忙碌,有的是溫和氣候、茂盛花草,最正就係勁舒服的 各種溫泉
天文館通--鹿兒島最熱鬧的購物街
本來打算先去知覽町,但因為下雨,所以先到天文館通找鹿兒島出名的我流風拉麵
先在售票機買票
我流風拉麵的湯偏濃,黑豚肉質有入口即溶的口感
鹿兒島有名的白熊 冰,可惜我們吃完拉麵勁飽吃不下了
驅車前往以黑砂浴馳名鹿兒島南端的指宿,途上常常可以見到這些美麗小花