最鐘意避開旺季去旅行,4月份唔係香港既旺季,但係墾丁就剛剛開始夏天,今次最主要既目的係去墾丁影婚紗相,為免浪費粒粒玲子換既機票,玲子努力做功課,同等15,000里數可以兌換
1. 香港 ~ 高雄 ~ 香港
2. 香港 ~ 高雄 ~ 台北 ~ 香港
當然去埋台北張機票抵啲喇,所以兌換咗香港 ~ 高雄 ~ 台北 ~ 香港既機票,乘搭港龍航空到高雄後,再坐2小時婚紗店藏愛車到墾丁,第二朝整妝代發就出發
影完婚紗相就開始粒粒玲子台灣半島遊,要真正感受墾丁記住租車呀!係台灣租機車就最方便,可以四圍遊,第一站遊國立海洋生物博物館,入場費約HK$110,係全台灣最大既海洋生物館 ,入面分咗3個館~珊瑚王國館、台灣水域館、世界水域館,呢度有比香港海洋公園長9倍既海底隧道,個海底隧道總共有84公尺長;另外,館內展示5種唔同既企鵝,有國王企鵝、紳士企鵝、頰帶企鵝、阿德利企鵝&馬可羅尼企鵝
遊完海洋館到其他景點 - 出火,墾丁地底蘊藏天然氣,出火就係天然氣冒出地面經過點火燃燒既現象
之後再遊遊台灣最南點,一望無盡既海景~~~
粒粒玲子既戰車,租24小時HK$100,HK$25已入滿油
到旁晚就去龍磐觀星
雖然唔捨得墾丁,不過要繼續行程,所以要返高雄啊,墾丁車班次好密約15分鐘一班,HK$80一程,車程約2個鐘,係高雄遊完六合夜市過一晚夜後,第二朝就搭火車去台東綠島
由高雄到台東車程約2個鐘,車費HK$75,到咗台東既知本火車站再轉搭HK$4公共汽車到富岡碼頭,雖然路程遙遠,不過去完綠島後,玲子親身體會倒台灣真係一個寶島!