尋晚又係要訓d 辛苦的夜車(包箱嗰隻) 所以勁唔好訓, 醒咗好多次~ 唉! 好心佢design得好d la! 包箱哩個design 真係十個差!!!!
一去到praha就有人黎sell pension 俾我哋住! 雖然唔知市價, 但見佢個價幾平, 而且又可以save some time, 仲車埋我哋去添~ 咁我哋考慮咗一陣之後終於接受咗佢! (雖然我覺得自己搵有機會可以搵到平少少ga~) settle down 之後我哋就開始布拉格之旅la! (我 哋仲可以有時間食個早餐, 飲杯coffee 添~ ^^ 因為哩度d嘢好平好抵ma!)
之後我哋就搭火車去加士天城堡~ 係chales IV的城堡! 入去參觀一定要join tour 先得, 因為個guide 會keep key, 佢一間間房咁開, 冇tour guide你一定去唔到下一間房~ (不過每次都有幾團係個castle 入面!) 座castle 幾靚, 只可惜好多房都唔俾人參觀, 有d可惜! 好多嘢都淨係聽個guide 講, 有d明有d唔明la! 或者返屋企溫一溫捷克的history 會好d~ ^^
之後我哋去咗castle 附近的購物街買嘢~ 布拉格d 水晶同木偶最出名, 我哋見佢都整得幾靚, 而且又平, 所以最後都買咗少少! (哩度比布拉格市中心的東西平好多, 不過係真定假我就唔知la! 大家衡量吓la!) 我最後買咗個harry potter 木偶, 好平, cr250 only! (之後係市中心見到一樣的要cr400 ga!)
then 我哋就搭返車出去city centre參觀! 第 一站係praha castle! 我覺得佢最特別的就係依山而建的garden~ 好特別~ 不過要俾錢先入到去! (而且上面冇咩嘢參觀, 6:00仲會有人趕返你 出去個castle, 不過可以係上面一覽布拉格的景色!)
去完castle 後就行返落布拉格最出名的charles bridge (連簡生本書都係用哩條橋做封面~)我哋係日落時行哩條charles bridge, 再加上賣藝者的音樂聲, 真係好浪漫好有feel~ (大家想睇吓charles bridge都可以睇吓sat night 播的monster, 入面畫的德國景及布拉格景像真度勁高ar!)
之後我哋就沿著old town的路線找布拉格廣場,天文鐘及魔鬼教堂! 我覺得布拉格廣場同歐洲平時d廣場分別不大, 冇想像中咁正, 而且同平時moive見到的有點不同(可能太多人話佢正la) 不過天文鐘就真係幾得意, 一定要等佢郁ar!
買咗praha 衫之後就去布拉格廣場食飯~ 我哋去咗間靚 靚餐廳食crezch 菜! 好好味, 而且幾得意, 仲一d都唔貴添~ 下次有機會都好想再黎布拉格一次~