謙仔有請

從爬行到彈跳　毋忘人生樂事
力臻Lagchun 加入Green Music後首支派台作品

力臻 Lagchun 加入Sony Music旗下全新音樂品牌Green Music後，與獨立二人男子組合Chinky Eyes (CE) 首度合作，推出令人一聽到就想跳，跳跳吓又彈唔停的音樂作品〈跳跳虎〉。

這次合作全因一次「男人的浪漫」約會。力臻 Lagchun 之前已在 Clockenflap看過CE的現場演出，CE亦一直有留意到力臻 Lagchun 的 CityPop 曲風創作，但一直未有機會認識，適逢大家同期各自都為著自己創作的新歌做到一半而感到閉塞狀態。由於CE從未創作過廣東話的音樂作品，恰巧在創作期間遇到一直與力臻Lagchun 合作無間的監製Bert744 亞拔，就促成這個男男男男的4人約會，就由一句喜歡周星馳的電影展開，講到電影「九品芝麻官」中的一句對白：「彈出呀，彈入呀，打我呀笨 ！」便忽發奇想就只用一個中文字「彈」來填滿整段副歌，再者，歌曲bridge部分，打破流暢的傳統旋律，即興加入了Citypop裡最常見的Retro Funk元素亂撞… 就這樣彈出彈入便合成了這次的創作〈跳跳虎〉。

除此之外，留心細聽，編曲上都混入了紅綠燈訊號、電車、敲打不同物質的聲音在內，力臻 Lagchun 解釋：「Citypop嘅音樂大多滲透生活日常，所以除咗歌詞內容好反映到而家我哋忙碌嘅生活節奏外，我亦將一啲喺呢個城市聽到嘅聲音，放喺呢首歌入面。」

Chinky Eyes ：「我哋都覺得，唔同嘅音樂人都有自己唔同嘅音樂節奏，但當唔同嘅節奏撞埋一齊嘅時候，有時佢哋會好融合，有時又會全部彈開晒，呢首歌就係有呢種瘋癲嘅感覺，癲完之後細心睇吓啲歌詞，你以為佢只係幽默，但又有一啲人生哲理俾大家㗳吓。所以我哋就諗，呢種節奏幾反映到力臻Lagchun嘅常生活吖，呢秒係歌手，下一秒又會係數學老師，教完書放學後又返去大學做返個學生，你話邊個夠佢亂吖。」

從表面理解，〈跳跳虎〉由歌名到編曲，都已經令人有跳彈的感覺，但更深層次的理解，這其實是力臻 Lagchun，甚或是現在不少人的生活寫照。力臻 Lagchun 道：「呢首歌係回應出道歌〈都市爬行〉，嗰首係講我哋慢慢向上爬，但而家嘅我工作愈嚟愈忙，返學讀書、放學去做音樂，感覺就似由一個地方彈去另一個地方，要好急速去處理所有嘅事情，往往會忽略咗人生樂趣，〈跳跳虎〉就係提醒自己同埋聽眾，就算你嘅生活幾繁忙，要記得返人生嘅樂趣，甚至乎係享受彈嚟彈去，活喺好繁忙嘅過程入面，歌詞裡面最後一句：『玩還玩，彈還彈，人生放慢腳步，記住慢慢嘆』，就係想講呢樣嘢。」