繼夢見蝴蝶諗到講生命長短,最緊要痛痛快快活活去嘅故事; 然後瞓唔到覺又嘔出漩渦,從而諗到以花的一生道出生命傳承!
今次Pandora見到雀與鳥嘅對話,於是諗到展開熱血冒險, 並悟出義不容辭兩脇插刀嘅氣魄!!
創作期間有成員見到小鳥互相扶持的畫面,感受到以下嘅POV: 兩隻雀仔 – 分別叫Pan 與 Dora
Dora: 「我好緊張啊……今日係我第一次試飛,萬一飛唔起點算呀?萬一跌咗落去點算呀?」
Pan: 「唔驚,你仲記唔記得我哋喺個蛋殼度破出嚟嗰陣呀?嗰陣時我哋企都企唔穩呀,但係而家我哋跳嚟跳去都得啦,飛都係一樣㗎咋,只要你勇敢嘗試,就一定得㗎喇!」
Dora: 「但係…我見到好多其他雀仔第一次飛嗰陣時跌得好痛呀,我驚我都會係咁樣…」
Pan: 「就算跌親都係學習嘅一部分呀記住!你睇下而家飛得最高最遠嗰啲雀仔呀邊一隻唔係跌住咁學點樣去飛㗎?最緊要你願意嘗試,就算跌親都好繼續企返起身再嚟過!」
Dora: 「你啱……我唔能夠因為驚而放棄,我要飛得好高、好遠!」
Pan: 「冇錯!記住,只要你夠勇敢!個天就係屬於你嘅!只要你願意展開對翼,啲風就會托起你!」
Dora: 「嗯!我準備好喇!等我飛畀你睇!」
Pan: 「去啦!等你返嚟話畀我聽有幾好玩!」
(Dora展開佢對翼,勇敢咁樣飛向天空,雖然一開始佢唔係好平衡,但係逐漸佢已經搵到要訣,飛得越嚟越高。)
「就做你吧 人生無下次」 過程雖辣 只要有人陪伴、提醒; 加上你嘅勇氣、(幼稚?)、鬥志, 又使咩驚呀???
由而家呢一刻開始: 「日日月月 編寫新章節 瀟灑的去走」 OSH!!
|